Estructura del Órganu de Gobiernu

Conseyu Regulador

Estructura del Órganu de Gobiernu. L'órganu de Gobiernu del Conseyu Regulador ta constituyíu de la forma que vien darréu:

  • Seis Vocales en representación del sector productor que son escoyíos democráticamente por y ente los inscritos nel Rexistru d’Operadores “Pumaraes”.
  • Seis Vocales en representación del sector ellaborador que son escoyíos democráticamente por y ente los inscritos nel Rexistru d’Operadores “Llagares”.
  • Un representante nomáu pola Conseyería de Mediu Ambiente y Desarrollu Rural qu’asiste a les xuntes del Conseyu con voz, pero ensin votu.
  • El Xerente del Conseyu Regulador asiste con voz pero ensin votu y en calidá de Secretariu del Órganu de Gobiernu.

La nuestra organización

Los doce vocales del Conseyu Regulador lleguen a alcuerdos sobre’l funcionamientu del Conseyu Regulador y la so aplicación del Reglamentu, asina como’l desarrollu de custiones técniques y de promoción que s’incorporarán al manual de calidá. Pa les últimes dos custiones l’órganu de gobiernu noma un comité técnicu y otru de promoción, qu’aporten los sos conocimientos pa que sían los que s’axunten davezu iguando les materies que se desarrollen en cada momentu.

Tamién hai un comité executivu, formáu pol Presidente, el Vicepresidente y el Xerente, de mou que se puedan desarrollar temes depués propuestos al órganu de gobiernu.

D’ente estos doce Vocales, escuéyese un Presidente y un Vicepresidente, de sectores estremaos, anque si ye una persona de sonadía reconocida pue nun ser un vocal. El Presidente propónlu’l Conseyu Regulador y nómalu’l Conseyeru de Mediu Ambiente y Desarrollu Rural l’Alministración del Principáu d’Asturies, y el Vicepresidente escuéyelu’l Conseyu Regulador y confírmalu’l Conseyeru de Mediu Ambiente y Desarrollu Rural.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.OK