El MUNDU DE LA MANZANA

manzanas DOP

La mazanal tien una propiedá qu’afecta directo a la producción de sidra, la vecería. Esto consiste en qu’un añu l’arbol da mazana abondo y al siguiente poco. Por eso, la mazana de sidra cuéyese más nuna collecha que na siguiente, los llagares miren por esto a la de facer una mayor cantidá nel añu de mayor collecha.

Dende finales de setiembre y hasta finales d’ochobre, páñase la mazana, anque too depende de la variedá y les condiciones del clima. Nunca han pañase les mazanes del suelu, llamaes del sapu, porque como son demasiao tempranes nun valen pa facer sidra, nun siendo almitíes pola so muncha maduración y por nun algamar la calidá que se quier.

Floriación de la Manzanal de Sidra

En primavera y dende mediaos d’abril escomienza la floriación de los árboles de les variedaes de mazana asturiana abellugaes na Denominación d’Orixe Sidra d’Asturies. Los primeros brotos de les cañes dan anuncia de lo que depués va ser la floriación espectacular de los pumares. Les variedaes tempranes tarán metanes la floriación pa finales d’Abril, y ye entós cuando entama la floriación de les variedaes serondes, que la terminen na tercer selmana de mayo.

Los primeros brotos...

Ye nesta parte de la primavera, y nel aniciu del branu, cuando se produz el desarrollu vexetativu de la mazanal, cola floriación y l’entamu posterior del desarrollu del frutu.

Nesta época ye cuando se fai l’aclariáu de les flores, pa garantizar con ello la calidá y tamién la regulación d’aquelles variedaes que tienden a tener una producción escesiva.

Asturies cunta con unes condiciones inmeyorables, dende’l puntu de vista natural, pa poder tener pumaraes de primer categoría.

Ye perimportante nesta época evitar les xelaes y tiempos inestables, que pueden poner en peligru l’entamu de la fructificación nos meses de branu.

Fructificación de la mazanal de sidra

Les variedaes de mazanal de sidra D.O.P fructifiquen dafechu nel mes d’agostu, y pa setiembre ya se conoz l’espoxigue y el tamañu final del frutu.

Pañada de la manzanal de sidra

La recoyida de la collecha faise sobre too ente los meses d’ochobre y payares de cada añu.

  • fin galeria

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.OK