DELLES GUÍES PRÁCTIQUES

GUÍES SOBRE LA SIDRA

Presentámosvos delles guíes que quieren averar a tolos que sois amantes de la sidra a un mundu enllenu de matices y peculiaridaes. Con estes guíes queremos dar unes pistes que vos lleven de la teoría a la práctica y que vos dexen afondar un poco más nesta maraviyosa esperiencia que ye la sidra asturiano en toles sos formes y variedaes.

Toos tenemos sentío dicir dacuando qu’esta sidra o esto otro gústame o non, ensin más. En La Preba de la sidraufiertámosvos delles pistes pa que podáis atopar los defectos y virtúes de la sidra d’Asturies y podáis facevos unos espertos de verdá.

Una de les coses que más llama l’atención de tolo qu’arrodia la sidra ye quiciabes echalo, polo que tien de llamativo, peculiar y folclórico. Amás, echalo ye l’esllabón postreru ente’l consumidor y el procesu productivu de la sidra, quiciabes ún de los más importantes. Nel nuesu apartáu Echalo describimos cómo se fai pa echalo “d’escuela” y los pasos qu’hai que siguir pa deprendelo.

Pa los amantes d’Asturies y del so productu más emblemáticu disponemos d’un Camín de la sidra que vos va llevar per tolos llagares de la nuesa Denominación d’Orixe y vos va dexar gozala colos paisaxes, la gastronomía y la cultura asturianes.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.OK