Campañes de promoción

Otra de les funciones principales del Conseyu Regulador ye’l so llabor promocional y divulgativu pa profesionales, medios de comunicación y consumidores finales sobre les carauterístiques que marquen la diferenciación del productu.

Les nueses campañes de promoción céntrense en tresmitir una imaxe de marca de la DOP «Sidra d’Asturies» que sirva de paragües, de sellu de garantía, a les distintes marques de los ellaboradores acoyíos a esta marca de calidá estremada. Estes xeres fixeron posible introducir la sidra con denominación d’orixe non solo per tol territoriu asturianu y español, sinón tamién nos mercaos internacionales.

A lo llargo del añu hai delles aiciones promocionales, que podemos resumir en:

• Promoción de branu de sidra natural.
• Promoción de sidra natural esplumoso.
• Salón de la DOP «Sidra d’Asturies».
• Campeonatu Rexonal d’Echadores.
• Otres promociones: prebes, show rooms, xornaes gastronómiques y culturales, etc.

Amás cuntamos col Departamentu de Comunicación del Conseyu Regulador, que pon un cuidáu especial pa colos medios de comunicación a los que se-yos da tola información y documentación necesario, les aclaraciones amañoses y caltiénse una canal de comunicación tresparente y direuta.