Xueves de Sidra con Denominación
Cada xueves puede esfrutase de la meyor Sidra con Denominación acompañada d’esquisites cazuelinas.
El Conseyu Regulador DOP Sidra d’Asturies en collaboración con Otea Xixón y el Conceyu de Xixón punxeron en marcha na ciudá de Xixón la iniciativa “Xueves de Sidra con Denominación” para atraer veceros a les barres y esfrutar de la sidra con denominación acompañada d’una cazuelina.
L’oxetivu de la iniciativa “Xueves de Sidra con Denominación” ye dinamizar l’arribación de veceros a les sidreríes de Xixón inscrites nel proyectu y n’especial a les sos barres, tolos xueves por aciu la promoción, botelles de sidra DOP más una propuestes gastronómica (cazuela o similar), que cada establecimientu escueye.
Xixón siempres dio muncha importancia a la sidra, por eso quierse dar un impulsu, promocionando la sidra recoyida so la Denominación d’Orixe Protexida, y destina-y un día a la selmana, los xueves, para ufiertar a los veceros la oportunidá d’esfrutar de sidra DOP con un pequenu acompañamientu de cocina.
L’únicu requisitu ye que la ellaboración pueda tastiase na barra del establecimientu, anque de forma escepcional y si l’establecimientu dexar, podría faese tamién na mesa.
La iniciativa espublízase al traviés de la web de Otea www.otea.es y www.escapaasturias.com un apartáu onde apaez una ficha de cada establecimientu participante, incluyendo tola información del local, la sidra con denominación y la tapa o cazuela qu’ufierta, el so preciu y el so geolocalización en google maps para poder atopar el so allugamientu con toa facilidá.
Participantes:
- Restaurante Sidrería la Montera Picona
- Sidrería Restaurante Rio Astur
- Hotel la Casona de Jovellanos
- Restaurante Sidrería Rubiera
- Sidrería Restaurante El Restallu
- Restaurante Sidrería El Chisqueru
- Restaurante Sidrería Los Campinos
- Restaurante Sidrería Canteli
- Restaurantes Sidrería Gijón
- Restaurante Sidrería Llagar de Begoña
- Restaurante Sidrería Nueva Uria
- Restaurante Sidrería La Cabaña del Santu
- Hotel Arena
- Restaurante Johy-Los Manzanos
- Restaurante Parrilla Muño Poniente
- Restaurantes Muño Feijo0
