Una Denominación d’Orixe, amás d’un llugar concretu y d’un conxuntu de riegles d’ellaboración, ta constituyida polos operadores: los productores y ellaboradores que faen posible la sidra y que son, a última hora, los responsables de que la Denominación algame y caltenga el so prestixu ente los consumidores.

El muérganu de Gobiernu ta compuestu por un total de 14 persones, siete del sector productor (productores) y otros siete del sector ellaborador (llagares), escoyíos democráticamente cada cuatro años. En proclamándolos, los 14 vocales del Conseyu Regulador escueyen a un Presidente, que ye propuestu pal so nomamientu pola Xunta Xeneral del Principáu d’Asturies. Nes delliberaciones del Muérganu de Gobiernu, los vocales eleutos cuenten amás cola participación, con voz pero ensin votu, d’un representante de l’Alministración del Principáu, asina como del xerente del Conseyu Regulador.

El uso de cookies mejorará su experiencia en este sitio web.