Campaña Verano 24

“¡Tasca la Etiquetina! Y gana con mazana asturiana”.

Una campaña rompedora y na que, como novedá, va consistir nel métodu ‘Tasca y Gana’ y nel que se van partir miles de premios valoraos en 85.000 euros: Iphones, entraes para’l Boombastic, espichas, cenes, fines de selmana o botelles de sidra.

L’oxetivu d’esta campaña ye, per un sitiu, consiguir la diferenciación de Sidra d’Asturies d’otres sidres naturales. Como segundu propósitu, fidelizar a los yá consumidores de sidra DOP y atraer a los potenciales, especialmente, el públicu nuevu. De la mesma, ensin esviase de la importancia del consumu del productu local y en dar valor a la certificación d’orixe y calidá del Conseyu Regulador. La campaña va tar  n’activu hasta’l 15 de xunetu. va espublizar en prensa escrita, radio, televisión y redes sociales.